ರನ್ ಔಟ್ ತೀರ್ಪುಗಳು ಮುಂಬೈ ಇಂಡಿಯನ್ಸ್ ಗೆ  ಡಿಸಿ  ವಿರುದ್ಧದ ಗೆಲುವಿಗೆ ವಿವಾದದ ಕಾರಣಗಳು ಬೀರಿದ್ದು, ಪಂದ್ಯದಲ್ಲಿ ಕುತೂಹಲ ಮತ್ತು ಚರ್ಚೆಗೆ ಕಾರಣವಾಯಿತು .

ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ ಹೈಡ್ರಾಮಾ ಪಂದ್ಯವು ಕೊನೆಯ ಚೆಂಡಿನ ರೋಚಕ ಗೆಲುವಿನಿಂದ ಡಿಸಿ ನಿರೂಪಿಸಿತು. ಆದರೆ, ಮೂರನೇ ಅಂಪೈರ್ ಗಾಯತ್ರಿ ವೇಣುಗೋಪಾಲನ್ ನೀಡಿದ ವಿವಾದಾಸ್ಪದ ರನ್‌ಔಟ್ ತೀರ್ಪುಗಳು ಈ ಪಂದ್ಯದ ಪ್ರಾಮಾಣಿಕತೆಯ ಕುರಿತು ಚರ್ಚೆಗೆ ತಿರುಗಿದವು. 18ನೇ ಓವರ್‌ನಲ್ಲಿ ಶಿಖಾ ಪಾಂಡೆ, 19ನೇ ಓವರ್‌ನಲ್ಲಿ ರಾಧಾ ಯಾದವ್ ಹಾಗೂ ನಿರ್ಣಾಯಕ ಕೊನೆಯ ಚೆಂಡಿನಲ್ಲಿ ಅರುಂಧತಿ ರೆಡ್ಡಿ ಗೆಲುವಿಗೆ ಅಗತ್ಯವಿದ್ದ ಎರಡು ಓಟಗಳನ್ನು ಪೂರೈಸಿದ ಕ್ಷಣಗಳು, ಈ ಪಂದ್ಯವನ್ನು ಇನ್ನಷ್ಟು ಕುತೂಹಲ ಮೂಡುವಂತೆ ಮಾಡಿದೆ .

ಪಾಂಡೆ ಮತ್ತು ರೆಡ್ಡಿಯ ರನ್‌ಔಟ್ ತೀರ್ಪುಗಳ ಸಂದರ್ಭಗಳಲ್ಲಿ, ಚೆಂಡು ಸ್ಟಂಪ್‌ಗೆ ತಾಗಿದಾಗ ಬ್ಯಾಟ್ ಕ್ರೀಜ್‌ನ ಹಿಂದೆ ಇಲ್ಲದಂತೆ ಕಂಡುಬಂತು. ಆದರೆ ಮೂರನೇ ಅಂಪೈರ್ ವೇಣುಗೋಪಾಲನ್, ಎಲ್‌ಇಡಿ ಸ್ಟಂಪ್ ಬೆಳಗಿದ ಕ್ಷಣವನ್ನಲ್ಲ, ಬೆಲಿಗಳು ಸಂಪೂರ್ಣವಾಗಿ ಸ್ಟಂಪ್‌ನಿಂದ ಬೇರ್ಪಡುವ ಘಳಿಗೆಯನ್ನು ವಿಕೆಟ್ ಮುರಿದ ಕ್ಷಣವೆಂದು ಪರಿಗಣಿಸಿದರು. ಈ ತೀರ್ಪು ಅಂಪೈರ್‌ನ ವಿವಾದಾತ್ಮಕ ನಿರ್ಧಾರಗಳ ಕುರಿತಾಗಿ ಹಲವರ  ಚರ್ಚೆಗಳಿಗೆ ಕಾರಣವಾಯಿತು.

ಯಾದವ್, ಇನ್ನೊಂದೆಡೆ, ಬಾಲ್ ಅನ್ನು ಬ್ಯಾಕ್ವರ್ಡ್ ಪಾಯಿಂಟ್ ಕಡೆಗೆ ಹೊಡೆದು ಸಿಂಗಲ್ ಓಡಿದರು. ಆದರೆ, ಟಿವಿ ದೃಶ್ಯಗಳಲ್ಲಿ ಬೇಲ್ಸ್ ಬಿದ್ದಾಗ ಅವರ ಬ್ಯಾಟ್ ಗಾಳಿಯಲ್ಲಿ ತೇಲುತಿದ್ದರೂ, ಅವರು ಸಂಪೂರ್ಣವಾಗಿ ಉರುಳಿದ ಡೈವ್ ಅವರನ್ನು ಪಾರು ಮಾಡಿತು. ಈ ತೀರ್ಪಿನಿಂದ ಮುಂಬೈ ಇಂಡಿಯನ್ಸ್ ತೀವ್ರ ಅಸಮಾಧಾನಕ್ಕೆ ಒಳಗಾಯಿತು. ಇದನ್ನೂ ಮೀರಿಸಿ, ಮುಂದಿನ ಚೆಂಡಿನಲ್ಲೇ ಆಕೆ ಭರ್ಜರಿ ಸಿಕ್ಸರ್ ಬಾರಿಸಿ, ಕೊನೆಯ ಓವರ್‌ಗೆ ಕೇವಲ 10 ರನ್‌ಗಳ ಅಂತರವನ್ನೇ ಉಳಿದಂತೆ ಮಾಡಿದ್ದು, ಅವರ ನಿರಾಶೆಯನ್ನು ಇನ್ನಷ್ಟು ಹೆಚ್ಚಿಸಿತು.

ಮುಂಬೈ ಇಂಡಿಯನ್ಸ್ ನಾಯಕಿ ಹರ್ಮನ್‌ಪ್ರೀತ್ ಕೌರ್ ಪಾಂಡೆಗೆ ಅನುಕೂಲಕರವಾದ ತೀರ್ಪಿನಿಂದ ತೊಂದರೆಯನ್ನಿಸಿತು. ತಕ್ಷಣವೇ ಮೈದಾನ ಅಂಪೈರ್‌ಗಳೊಂದಿಗೆ ಚರ್ಚೆ ನಡೆಸಿ ನಿರ್ಧಾರದ ಹಿನ್ನಲೆಯಲ್ಲಿ ಸ್ಪಷ್ಟತೆ ಪಡೆಯಲು ಪ್ರಯತ್ನಿಸಿದರು. ಆದರೆ, ಪಂದ್ಯದಲ್ಲಿ ನಡೆದ ನಂತರದ ಎರಡು ರನ್‌ಔಟ್ ಘಟನೆಗಳ ಬಗ್ಗೆ ಅವರು ಯಾವುದೇ ಪ್ರಶ್ನೆಯನ್ನು ಎತ್ತಲಿಲ್ಲ.

ಡಬ್ಲ್ಯುಪಿಎಲ್‌ನ ಆಟದ ನಿಯಮಗಳ ಪ್ರಕಾರ, ನಿರ್ಧಾರ ವಿಮರ್ಶಾ ವ್ಯವಸ್ಥೆ (DRS) ಮತ್ತು ಮೂರನೇ ಅಂಪೈರ್ ಪ್ರೋಟೋಕಾಲ್‌ಗೆ ಸಂಬಂಧಿಸಿದ ಅಪೆಂಡಿಕ್ಸ್ ನಲ್ಲಿರುವ ಕ್ಲಾಸ್ 4.2 ಪ್ರಕಾರ, "ಎಲ್‌ಇಡಿ ಸ್ಟಂಪ್‌ಗಳನ್ನು ಬಳಸಿದ ಸಂದರ್ಭದಲ್ಲಿ, ವಿಕೆಟ್ ಮುರಿಯುವ ಕ್ಷಣವನ್ನು ನಿರ್ಧರಿಸುವ ಮೊದಲು,(ಕ್ಲಾಸ್ 29.1 ಪ್ರಕಾರ) ಎಲ್‌ಇಡಿ ಲೈಟ್‌ಗಳು ಮೊದಲ ಬಾರಿ ಬೆಳಗುವ ಫ್ರೇಮ್ ಅನ್ನು ಪರಿಗಣಿಸಲಾಗುತ್ತದೆ. ನಂತರದ ಚಲನಚಿತ್ರ ಫ್ರೇಮ್‌ಗಳಲ್ಲಿ ಬೇಲ್ಸ್ ಗಳು ಸಂಪೂರ್ಣವಾಗಿ ಸ್ಟಂಪ್‌ನಿಂದ ಹೊರಟಿರುವುದು ದೃಢಪಡಿಸಬೇಕು" ಎಂಬ ನಿಯಮವನ್ನು ವಿವರಿಸಲಾಗಿದೆ.

ಆಟದ ನಿಯಮಗಳ ಕ್ಲಾಸ್ 29.1ನ ಪ್ರಕಾರ, "ಒಂದು ಬೇಲ್ ಸಂಪೂರ್ಣವಾಗಿ ಸ್ಟಂಪ್‌ನ ಮೇಲಿಂದ ಬೇರ್ಪಟ್ಟು ಹೋಗುವುದೋ ಅಥವಾ ಒಂದು ಅಥವಾ ಅದಕ್ಕಿಂತ ಹೆಚ್ಚು ಸ್ಟಂಪ್‌ಗಳನ್ನು ನೆಲದಿಂದ ಸಂಪೂರ್ಣವಾಗಿ ತೆಗೆದುಹಾಕಿದಾಗ ವಿಕೆಟ್ ಅನ್ನು ‘ಮುರಿಯಲಾಗಿದೆ’ ಎಂದು ಪರಿಗಣಿಸಲಾಗುತ್ತದೆ" ಎಂದು ವಿವರಿಸಲಾಗಿದೆ.

ಇದು ಚೆಂಡು ಸ್ಟಂಪ್‌ಗೆ ತಾಗಿ ಎಲ್‌ಇಡಿ ಲೈಟ್‌ಗಳು ಬೆಳಗಿದ ಕ್ಷಣವೇ ವಿಕೆಟ್ ಬಿದ್ದದ್ದು ಎಂದು ಪರಿಗಣಿಸಲಾಗುತ್ತದೆ ಎಂಬುದನ್ನು ತೊರೆಯುತ್ತದೆ.  ಬೆಲ್ಸ್ ಗಳು  ಸಂಪೂರ್ಣವಾಗಿ ಬೀಳುವ ನಂತರದ ಚಲನಚಿತ್ರ ಫ್ರೇಮ್‌ಗಳು ಇದನ್ನು ದೃಢೀಕರಿಸುತ್ತವೆ, ಆದರೆ ನಿರ್ಧಾರಾತ್ಮಕ ಕ್ಷಣವೆಂದರೆ ಚೆಂಡು ಸ್ಟಂಪ್‌ಗೆ ತಾಕಿದ ಮೊದಲ ಫ್ರೇಮ್. ಈ ಸಿದ್ಧಾಂತವನ್ನು ಅನುಸರಿಸಿದರೆ, ಪಾಂಡೆ ಮತ್ತು ರೆಡ್ಡಿ ತಮ್ಮ ಕ್ರೀಸ್‌ಗೆ ಮುಟ್ಟುವ ಮುನ್ನವೇ ಔಟಾಗಿದ್ದರು ಎಂಬ ಅರ್ಥ ಸ್ಪಷ್ಟವಾಗುತ್ತದೆ.

ಪಂದ್ಯ ನಂತರ, ಪಾಂಡೆ ಮತ್ತು ಯಾದವ್ ಅವರ ರನ್‌ಔಟ್ ಪ್ರಕರಣಗಳ ಬಗ್ಗೆ ಮಾಜಿ ಕ್ರಿಕೆಟಿಗರು ಸ್ಟೇಸಿ-ಅನ್ ಕಿಂಗ್ ಮತ್ತು ಮಿಥಾಲಿ ರಾಜ್ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡರು.

ಕಿಂಗ್ ತಮ್ಮ ಆಲೋಚನೆ ವ್ಯಕ್ತಪಡಿಸಿ ಹೇಳಿದರು, “ನೇರ ಎಸೆತಗಳ ಪರಿಶೀಲನೆ ನಡೆಸಿದಾಗ, ಸ್ಟಂಪ್ ಮುರಿಯುವ ಹೊತ್ತಿಗೆ ಆಟಗಾರ್ತಿ ಲೈನ್‌ನ ಮೇಲೆಯೇ ಇದ್ದಂತೆ ತೋರಿಸಿತು. ಪ್ರತಿಯೊಬ್ಬರೂ ಈ ನಿರ್ಧಾರ ಔಟ್ ಎಂದು ಭಾವಿಸಿದ್ದರೂ, ಅಂಪೈರ್ ಅಂತಿಮ ತೀರ್ಪನ್ನು ‘ನಾಟ್ ಔಟ್’ ಎಂದು ನೀಡಿದರು. ಇದು ಪಂದ್ಯದಲ್ಲಿ ಮಹತ್ವದ ತೀರ್ಮಾನವಾಗಿದ್ದು, ರಾಧಾ ಯಾದವ್ ಅವರ ರನ್‌ಔಟ್ ಕೂಡ ಅದೇ ರೀತಿಯ ವಿವಾದಕ್ಕೆ ಕಾರಣವಾಯಿತು. ಈ ಎರಡು ಘಟನೆಯು ಪಂದ್ಯದ ಹರಿವನ್ನು ಸಂಪೂರ್ಣವಾಗಿ ಬದಲಾಯಿಸಬಹುದಾಗಿತ್ತು ಮತ್ತು ಮುಂಚೆಯೇ ಪಂದ್ಯದ ಫಲಿತಾಂಶ ನಿರ್ಧಾರವಾಗಬಹುದಾಗಿತ್ತು.”

ರಾಜ್ ರಾಧಾ ಯಾದವ್ ರನ್‌ಔಟ್ ಕುರಿತು ಇನ್ನಷ್ಟು ಗೊಂದಲ ವ್ಯಕ್ತಪಡಿಸಿದರು.“ಜಂಪ್ ಮಾಡುವಾಗ ಬ್ಯಾಟ್ ಮೊದಲು ನೆಲಕ್ಕೆ ತಾಕಿ, ಬಳಿಕ ಎತ್ತರಕ್ಕೆ ಹೋಗಿದರೆ ಅದು ಔಟ್ ಅಲ್ಲ. ಆದರೆ ಇಲ್ಲಿ, ಬ್ಯಾಟ್ ಯಾವಾಗಲೂ ಗಾಳಿಯಲ್ಲೇ ಇತ್ತು ಮತ್ತು ಕ್ರೀಸ್‌ಗೆ ಸ್ಪರ್ಶವಾಗಲಿಲ್ಲ. ಹೀಗಾಗಿ, ಇದು ಸ್ಪಷ್ಟ ಔಟ್ ತೀರ್ಪಾಗಬೇಕಾಗಿತ್ತು.ಎಂದು ಅವರು ಅಭಿಪ್ರಾಯ ಹಂಚಿಕೊಂಡು ಹೇಳಿದರು”

ವೇಣುಗೋಪಾಲನ್ ಅವರ ನಿಯಮಗಳ ವಿವರಣೆ ಲಿಸಾ ಸ್ಟಾಲೇಕರ್ ಮತ್ತು ಮೈಕ್ ಹೆಸನ್ ಅವರಿಗೂ ಗೊಂದಲ ಮೂಡಿಸಿತು.

ಸ್ಟಾಲೇಕರ್ ತಮ್ಮ ಅಧಿಕೃತ X (ಹಳೆಯ ಟ್ವಿಟ್ಟರ್) ಖಾತೆಯಲ್ಲಿ, “ನಾನು ನಿಯಮಗಳನ್ನು ತಪ್ಪಾಗಿ ಅರ್ಥೈಸಿದ್ದೇನಾ? ಆ ಎರಡು ರನ್‌ಔಟ್‌ಗಳು ಔಟಾಗಬೇಕಾಗಿಲ್ಲವೇ?” ಎಂದು ಪ್ರಶ್ನೆ ಎಸೆದರು.

ಮಾಜಿ ನ್ಯೂಜಿಲ್ಯಾಂಡ್ ಕೋಚ್ ಹೆಸನ್ ತಮ್ಮ ಪ್ರತಿಕ್ರಿಯೆಯಲ್ಲಿ, “ಇವತ್ತು ಅಂಪೈರ್ ಏಕೆ ಝಿಂಗರ್ ಬೇಲ್ ಗಳನ್ನು ಪರಿಗಣಿಸಲಿಲ್ಲ? ಒಂದು ಬಾರಿ ಬೇಲ್ ಬೆಳಗಿದರೆ, ಸಂಪರ್ಕ ಕಡಿದು ವಿಕೆಟ್ ಮುರಿಯುತ್ತದೆ! ಇದು ಆಟದ ನಿಯಮಗಳಲ್ಲಿ ಸ್ಪಷ್ಟವಾಗಿ ಉಲ್ಲೇಖಿಸಲಾಗಿದೆ. ಕಳೆದ 10 ನಿಮಿಷಗಳಲ್ಲಿ ಇಷ್ಟೊಂದು ಗೊಂದಲವನ್ನು ನಾನು ಹಿಂದಿನ ಯಾವ ಪಂದ್ಯದಲ್ಲೂ ನೋಡಿಲ್ಲ,” ಎಂದು ಹೇಳಿಕೆ ನೀಡಿದರು.